ق ر قورعانىس ۆيسە-مينيسترى تالعات مۇحتاروۆ ءماجىلىس دەپۋتاتىنىڭ ساۋالىنا رەسمي تىلدە جاۋاپ قايتارعانى ءۇشىن ءوزىنىڭ قاتتى وكىنەتىنىن ايتتى. ق ر قورعانىس ۆيسە-مينيسترى تالعات مۇحتاروۆتىڭ ايتۋىنشا،  ول مۇنداي ساياسي قاتەلىكتى ءوزىنىڭ ەلگەزەكتىگىنىڭ كەسىرىنەن جىبەرىپ وتىر. "مەن ءماجىلىس وتىرىسى كەزىندە دەپۋتات كيانسكييدىڭ ساۋالىنىڭ سينحروندى اۋدارماسىن تىڭداپ تۇرعان ەدىم. سودان اۆتوماتتى تۇردە رەسمي-ورىس تىلىندە جاۋاپ قايىردىم. ارتنان ءوزىمنىڭ بۇل ارەكەتىمنىڭ دۇرىس ەمەس ەكەندىگىن ءتۇسىنىپ، قاتتى وكىندىم"،-دەيدى ت. مۇحتاروۆ مىرزا. ەسكە سالا كەتسەك، وتكەن سارسەنبى كۇنى ق ر قورعانىس ۆيسە-مينيسترى تالعات مۇحتاروۆ ءماجىلىس وتىرىسى كەزىندە "بىتىمگەرشىلىك جانە بەيبىتشىلىك قاعيدالارى" تاقىرىبىندا رەسمي تىلدە بايانداما جاساعان. بايانداما سوڭىندا، ءماجىلىس دەپۋتاتى ۆيكتور كيانسكيي مىرزا تالعات مۇحتاروۆقا مەملەكەتتىك تىلدە سۇراق جولداعان. الايدا تالعات مۇحتاروۆ دەپۋتان ساۋالىنا اۆتوماتتى تۇردە رەسمي تىلدە جاۋاپ قايىرعان. ۆيسە-مينيستردىڭ بۇل ارەكەتى دەپۋتات ۆيكتور كيانسكيي مەن جۋرناليستەردىڭ  شامىنا تيگەن. وسى وقيعادان كەيىن، پارلامەنت عيماراتىندا جۋرناليستەرگە سۇحبات بەرگەن ۆيسە-مينيستر ءوزىنىڭ بۇل جاۋاپسىزدىعى ءۇشىن جاۋاپ بەرگەن.   نۇرزات توعجان "قامشى" سىلتەيدى